Kokapet Land Auction Record: ఎకరానికి ₹137 కోట్ల హిస్టరీ
Kokapet Land Auction Record: ఎకరానికి రికార్డు ₹137 కోట్లు – హైదరాబాద్ రియల్ ఎస్టేట్కు నూతన గౌరవం
హైదరాబాద్ రియల్ ఎస్టేట్ మార్కెట్ మరోసారి దేశవ్యాప్తంగా దృష్టిని ఆకర్షించింది. కోకాపేట నియోపోలిస్ దశ-3 ఇ-వేలం సోమవారం చారిత్రాత్మక రికార్డులను సృష్టించింది. ఈ వేలంలో భూమి ధరలు ఇప్పటివరకు ఉన్న రికార్డులను దాదాపు రెట్టింపు చేస్తూ ఎకరానికి ₹137 కోట్ల మార్క్ను చేరాయి.
MSN అర్బన్ వెంచర్స్ రికార్డు బిడ్
5.31 ఎకరాల సరస్సు ముఖంగా ఉన్న ప్లాట్-18ను
ఎకరానికి ₹137.25 కోట్ల చారిత్రాత్మక ధరకు MSN Urban Ventures LLP కొనుగోలు చేసింది.
వజ్రా హౌసింగ్ మరో భారీ కొనుగోలు
4.59 ఎకరాల ప్లాట్-17ను
ఎకరానికి ₹136.50 కోట్లకు Vajra Housing Projects LLP కైవసం చేసుకుంది.
2023తో పోలిస్తే భారీ పెరుగుదల
2023లో జరిగిన నియోపోలిస్ వేలంలో ఎకరానికి సగటు ధర ₹73 కోట్లు మాత్రమే.
ఈసారి భూమి విలువలు 87% మేర పెరిగాయి, ఇది హైదరాబాద్ రియల్ ఎస్టేట్ శక్తిని మరింత బలోపేతం చేసింది.
HMDA ప్రకటన
వేలం కోసం నవంబర్ 3న నోటిఫికేషన్ వెలువడినప్పటి నుండి ప్రముఖ జాతీయ, ప్రాంతీయ డెవలపర్ల నుంచి భారీ ఆసక్తి నమోదైనట్లు HMDA తెలిపింది.
ప్రీ-బిడ్ సమావేశాలు పోటీని మరింత పెంచాయి
నవంబర్ 17 & 20 తేదీలలో జరిగిన ప్రీ-బిడ్ మీటింగ్లు ప్రధాన డెవలపర్లు మధ్య పోటీనీ మరింత తీవ్రమయ్యేలా చేశాయి.
రెండు ప్లాట్లతోనే భారీ ఆదాయం
ఈ రెండు ప్లాట్ల వేలం ద్వారా తెలంగాణ ప్రభుత్వం మొత్తం
₹1,356 కోట్లు ఆర్జించింది.
వేలం ప్రక్రియ – ఉదయం మొదలై సాయంత్రం వరకు హీట్
ఉదయం 11 గంటలకు మొదలైన వేలం,
10 మంది ప్రముఖ బిడ్డర్ల మధ్య పోటీ కారణంగా మధ్యాహ్నం 2 గంటల గడువు దాటుతూ సాయంత్రం 4 గంటల వరకు సాగింది.
HMDA, MSTC మరియు సలహా సంస్థ Cushman & Wakefield వేలం ప్రక్రియను సమర్థవంతంగా నిర్వహించాయి.
ముందు ఉన్న వేలాలు కూడా హాట్టాపిక్
ఈ బ్లాక్బస్టర్ ప్రారంభంతో,
నవంబర్ 28 & డిసెంబర్ 3న జరిగే నియోపోలిస్ వేలం,
డిసెంబర్ 5న జరగనున్న గోల్డెన్ మైల్ వేలం
మరింత దూకుడు బిడ్డింగ్ను ఆకర్షించే అవకాశం ఉంది.
హైదరాబాద్లోని ప్రతిష్టాత్మక రియల్ ఎస్టేట్ కారిడార్లను లక్ష్యంగా చేసుకున్న డెవలపర్లకు ఇవి కీలక అవకాశాలు కానున్నాయి.
Recent News
Trending News
